Written by UNE-TL Media Hits: 666

Jamboree Nasional Australia sei halao husi dia 4-14 de Janeiro 2019 iha Murraylands, South Australia.

Dili, Decembro 26, 2018– Uniao Nasional Escuteiro de Timor-Leste (UNETL) ninia kontijente ho naran Kontijente Lafaek sei ba partisipa Akampamentu Nasional (National Jamboree) Australia ninian ba dala 25 nebe sei halao iha Murraylands, South Australia.

Kontijente UNE-TL nebe mak sei ba partisipa mak Exploradores (scouts) nain 6 husi Municipio sira, feto nain tolu no mane nain tolu, Kontijente nee sei lidera husi Senhor Lucio no Senhora Francisca. Tamba Jamboree nee halao ba categoria eskuteiro Exploradores, nunee Kontijente haruka alin sira ho idade husi tinan 11-15.

Iha ceremonia despedida ohin loron 26-Decembro-2018 iha SEJD, S. Ex. Nelio Isac hatoo parabéns no bom sucesso ba alin sira nain 6 atu aprende no fahe experiensia ho sira nia maluk escuteiro husi rai seluk liu-liu husi Australia. Experensia nee sei sai hanesan faktores importante ba desenlove karakter indidual atu bele kontribui positivu ba desenvolvimento pais.

Tema ba Jamboree Nasional Australia ba dala 25 mak “Friends fo life” – katak halo belun diak iha vida tomak hanesan tema unique. Aktividades importate balun durante Jamboree mak hasae kapasidade no konhisimentu alin exploradores sira iha área enviromentu, abilidade eskuteiro no seluk-seluk tan.

Kontijente sei husik hela Dili iha dia 27-Dec-2018 no fila fali mai 17- Janeiro2019.

###

Official hashtag #friends4life, #aj2019, #KontLafaek4AJ2019

Atu hetan informasaun liu tán halo favór kontaktu media UNE-TL liu hosi email This email address is being protected from spambots. You need JavaScript enabled to view it., ou telemovel +670 77236456.