Dili, Timor-Leste, Augostu 4, 2016– Movimentu Eskutismo iha Timor-Leste nebe konhesidu no naran União Nasional Escuteiros de Timor-Leste (UNE-TL) sei halao akampamentu regional ba municipios 4 iha parte leste iha dia 6 too 8 Augostu 2016, fatin akampamentu mak kampu aviasaun Lanud Baucau.

Akampamentu nee organiza husi UNE-TL liu husi komisaun organizadora nebe kompostu husi leader no dirijente eskuteiros Municipio Baucau ninia hamutuk ho Konselu Nasional.

Municipio hat nebee sei hola parte mak Lautem, Viqueque, Baucau no Manatuto. Total partisipantes kuaze 500 kompostu husi eskuteiros sira husi modalidade exploradores, kamineiros, dirijentes inklui Komisaun Organizadora no Konselu Nasional husi Dili.

Aktividade akampamentu nee hanesan uniku aktividade iha eskuteiros ba modalidade exploradores atu halibur eskuteiros horu-hotu iha Municipio hat hodi kria amizade, troka esperiensia, hasae kapasidade no intelektual partisipantes sira.

Durante loron 5 nia laran, exploradores sira sei halao aktividade oin-oin hanesan aktividade basico eskuteiros ninia no mos geral hanesan ginastica, palku kultural, visita fatin historia, program nasional nutrisaun no seluk-seluk tan.

Actividade hirak nee atu hasae jovens sira ninia konhesimentu intelektual, individual, sosial ho nasionalismu hodi bele sai jovens nebe iha maturidade hodi sira bele hases aan husi aktividade negativus sira seluk, no mos bele kria paz no dame hodi kontribui ba desenvolvimentu pais ida nee.

Thema ba akampanentu tinan ida nee maka Pas, Unidade ba Progresu. Tuir Plano, Presidente Parlamentu Nasional Ex. Sr. Aderito Hugo sei halao abertura, partisipa mos Ministro Obras Publico, Vice Ministru MSS, Secretario Estado Juventudo e Disportu (SEJD), Ambassador sira husi nasaun vijinho no konvidadus sira seluk.

Akampamentu regional ida nee hanesan ba dala uluk organisa iha Regiaun leste depois de tinan 2014 UNE-TL mos halo akampamentu nasional iha Aileu. # # #

Atu hetan informasaun liu tán halo favór kontaktu ho Komisariu Relasaun Publiku liu hosi email This email address is being protected from spambots. You need JavaScript enabled to view it. , ou telemovel +670 73236456.