WOSM welcomes new member, the Scout Association of Timor-Leste! #Scouts http://bit.ly/2sXHVcJ

KOMUNIKADU IMPRENSA

União Nacioanl dos Escuteiros de Timor-Leste (UNE-TL) hanesan movimenutu Escutismo ne’ebé fas parte iha Movimentu Escutismo Mundial hakarak hato’o ba públiku no povu Timor-Leste liliu ba foin sae sira ne’ebé hola parte iha aktividade Escutismo, inan-aman, dirigentes sira, ba UNE-TL nia parseiru sira no liliu ba Governu ne’ebé durante nee suporta UNE-TL. Katak iha loron 22 de Juñu de 2017 UNE-TL hanesan NSO (National Scouts Organization) iha Timor-Leste offisialmente sai ona membru WOSM (World Organization of Scout Movement) hanesan membru ba 165 hamutuk ho nasaun seluk iha Mundu.

Turi informasaun ne’ebé UNE-TL hetan husi WOSM Committee katak la iha nasaun ida mak vota kontra ba adezaun UNE-TL nian desde aplikasaun UNE-TL hatama ba iha Komité WOSM nian iha fulan Janeiru 2017.

Prezisa mós atu hateten katak atu sai membro ba WOSM prezisa rekesitus ne’ebé barak komesa husi nível organisasaun nia Estrutura altu no to’o Agrupamentu.

Timor-Leste marka tan istória foun ba UNE-TL liliu ba Estadu Timor-Leste hodi hatudu ba Mundu katak Movimentu Escutismo hetan ona koñesimentu no offisialmente hambrik ona hanesan nasaun seluk iha Mundu.

Delegasaun UNE-TL nian ne’ebé chefia husi Presidente UNE-TL Sra. Idelta Maria Rodrigues sei ba partisipa Konferénsia Mundial Escuteiro nian iha Baku, Azerbaijan iha Agustus 2017, durante Konferénsia Mundial nível Altu, ne’e Bandeira no Ino Nasional sei hasa’e ba dahuluk hanesan Organizasaun ne’ebé adere. Movimentu Escutismu Mundial tenta halo esforsu maka’as hodi halo dezenvolvimentu Escutismu di’ak liu ba foinsa’e sira bazeia ba Misaun no Vizaun no mós Planu Estratéjiku UNE-TL ba tinan 2016-2030.

Uza opportinudade ne’e, hakarak manifesta ami  nia prufunda gratidaun ba suporta no kooperasaun servisu ho Governu, exkluzivamente Sua Exelénsia, Sua Exelénsia Ministro do Planeamento Imvenstimento Estrategico, Sua Exelénsia Presidente Parlamanto Nasional, Sua Exelénsia Ministro Turismo, Sua Exelénsia Secretaria de Estadu Cultura, Sua Exelénsia Secretario de Estado da Juventude e Desporto, no Parseiru Dezenvolvimentu hotu ne’ebé suporta UNE-TL to’o nia adezaun ba Mundu.

A L E R T A …!!!  Obrigadu.

Dili, 29 de Juñu de 2017