Konferensia Rejional Asia-Pasifico Eskuteiro sei halao iha Philipine International Conference Center (PICC),    husi 15-20 Outuburo 2018. 

Dili, October 10, 2018– Uniao Nasional Escuteiro de Timor-Leste (UNE-TL) ninia delegasaun chefia husi Vice-Presidente UNE-TL sei partisipa Konferensia Rejional Asia-Pasifico ninia ba dala 26 iha Manila hahu husi 15-20 Outubro 2018. Konferensia alto nível iha rejiaun ida nee sei partisipa husi leaders organisasaun movimentu eskuteiro kada nasaun nebe sai ona membro iha APR inklui UNE-TL nebe hanesan mahon ba Eskuteiro hotu-hotu iha Timor-Leste. Ida nee hanesan ba dala uluk Timor-Leste partisipa iha konferensia rejional eskuteiro ninian depois sai membro ba Movimentu Eskuteiro Mundial (WOSM) nebe anunsio ofisialmente durante konferensia mundial eskuteiro  ninian iha Azerbaijan, Augostu 2017.

Konferensia rejional nebe halao kada tinan tolu nee importante ba movimentu nee liuliu ba rejiaun Asia-Pasifico nia politika, no desizaun relasiona ho programa no atividades kada nasaun ba foin sae nian no lalaok organisasaun sei deskute iha fórum nee. Ajenda importante balun maka relatório programa eskuteiro rejiaun Asia-Pasifico 2015-2018, progresu planu programa eskuteiro mundial 2017-2020, elisaun ba Conselhu Rejional Eskuteiro Asia-Pasifico, no diskusaun importante ba planu programa 2018-2021. Topiku seluk hanesan boa governasaun organisasaun ninian, diversidade & inklusaun, mesanjeiru ba Paz, eskuteiro no metas desenvolvimento sustentavel (SDG), no apresentasaun uma nain ba eventos eskuteiro ninian iha futuru. 

Antes konferensia regional nee hahu, iha semana antes, husi 4-13 Outubro, iha eventos importante rua, maka hanesan  Forum Foin Sae ba dala 9 (9th APR Youth Forum), no kursu ba treiandor eskuteiro (APR Course for Leader Trainer). Eventu rua nee UNE-TL mos haruka ninia partisipantes mak foin sae 1 ba atende Youth Forum, no líder nain 3 ba kursu treinador.

Delegasaun UNE-TL nebee partisipa iha Konferensia Rejional nee chefia husi Vice-Presidente senhor Joao Carlos, no komisario nasional sira, total delegasaun hamutuk nain 5. Delegasaun sei arangka iha dia 12-Outubro-2018 no fila hikas mai Dili iha dia 22-Outubro-2018.

 

# # #

Official hashtag #26APRSC, #TakeMeToManila, #Scouts

Atu hetan informasaun liu tán halo favór kontaktu media UNE-TL liu hosi email This email address is being protected from spambots. You need JavaScript enabled to view it. , ou telemovel +670 77236456.